Home / Community / Seven Grandfather Teachings

(Etymology, Interpretation and Reading by Helen Roy)

Niizhwaaswi G'mishomisinaanig
(Our 7 Grandfathers)

Naanaagodawendamowin kina gwaya ji-ayaang, ji-kinoomaage'angadwaa g'wiiji'bemaadiziinaanig, ji-aankenimaageyin gaa-zhi-waabanjigeyin.

Wii-mooshtooyin e-anenimad g'wiiji'bemaadiz, wii-nsostawad miinwaa wii-bezhigong ezhi-gnawaabandameg bimaadiziwin, debwe'inimad gwaya kiin wii-bwaa-zaami-shpendiziyin, kina gegoo e-nishing wii-miigweyin miinwaa wii-minodoodaman kina gegoo gaataayiing e-temigag e-bimaadiziimigag.

Wii-minaadendaman g'wiiji'bemaadiz e-ayaang, miigwechiwendaman miinwaa wii-mino-daapinaman kina gegoo, gegwa majidoodawaake gwaya maage majidoodange gegoo.

Mshkwawendamowin ji-ayaaman kina gegoo e-zanagag ji-mino'baashkazikaman, wii-aakwa'ode'eyin miinwaa wii-bzindawad ode pii wiindamaag gegoo, wii-kikendaman ge-ni-nishing g'bimaadiziwiniming.

Ntam ji-debwe'endaman waa-zhichigeyin, ezhi-zhichigeyin wi miinwaa ge-kidoyin, kikendan e-gwekwawendaagwag, mnaaajitoon debwewin, kikendan e-debwemigag, weweni waabandan e-zhi-nishing kina gegoo.

Dibaadendaman mnik ge-waabandaweyin kiin ezhi-nishiyin, gegwa zaami-shpendizike, pane dibaadendizon.

Wii-kikendaman e-gwekwendaagwag bimaadiziwining, wii-debwetaagoyin ni-bimaadiziyin miinwaa gaa wiikaa ji-maji-doodawad g'wiiji'bemaadiz.

Helen Roy

Helen Roy and Dave Fuhst have produced multiple music CDs of popular songs done in Anishinaabemowin with a few originals.

Visit Helen's website

For this page you can listen to each of the seven files or download one file with all 7 teachings below.

Download MP3