* This text may have compatibility problems with Mac browsers.


INDEX             VOCABULARY             PRINTED             AUDIO/VIDEO


اندلسده رقص
Endülüs'te Raks
"Dancing in Andalucia"
(by Yahya Kemal Beyatlı)


        زيل، شال و كل. بو باغچه ده رقصك بوتون خيزى...

        شوق آقشامنده اندلس اوچ دفعه قيرمزى...

        عشقك سحرلى شرقيسى يوزلرجه ديلدهدر.

        اسچانيا وارلغيله بو آقشام بو زيلده در.

        يلپازه چوريلير كبى بردن دونوشلرى،

        عشوه يله دوريليش، صاچيليش، اورتونوشلرى...

        هر رنكى ايسته مز، كوزمز شيمدى آلده در؛

        اسپانيا دالغا دالغا بو آقشام بو شالده در.

        آلنده حلقه حلقه در آشفته كاكلى،

        كوكسنده يوصما غرنطه نك اك كوزل كلى...

        التون قدح هر ألده، كونش هر كوكلده در؛

        اسپانيا وارلغيله بو آقشام بو كلده در.

        رقص اورتاسنده بر دوروب اوينار، يورور كبى؛

        بر باش چويرمه سيله باقار اولديرير كبى...

        كل تنلى، قور دوداقلى، كومور كوزلى، سورمه لى...

        شيطان دييور كه صارمالى، يوز كرّه اوپملى...

        كوزلر قاماشديران شاله، مفتون ايدن كله،

        هر قلبى طولديران زيله، هر سينه دن "اوله!"


        يحيى كمال بياتلي